Избранные статьи

Крыніца жыцця

Подробности

Создано 21.04.2016 14:28

Пад такой назвай прайшоў тыдзень беларускай мовы, прысвечаны Міжнароднаму дню роднай мовы, які адначаецца 21 лютага.

Кобрынскі Палац культуры падрыхтаваў шэраг цікавых і пазнавальных мерапрыемстваў да гэтай даты. На працягу сямі дзён гучалі гарэзлівыя, ласкавыя, светлыя словы нашай беларускай мовы для слухачоў рознага ўзросту - ад самых малых, з дзіцячага садка, да людзей сталага ўзросту. 14 лютага адбылося адкрыццё тыдня беларускай мовы "Крыніца жыцця", на якое былі запрошаны аматары паэзіі. Прысутнічаўшыя ўбачылі відэапрэзентацыю народнага аматарскага аб'яднання "Белы бусел", выставу твораў мясцовых паэтаў, сустрэліся з імі, змаглі задаць пытанні, пачуць аўтарскія вершы і песні. На працягу тыдня ўдзельнікі літаратурнай суполкі "Белы бусел" правялі ранішнік "Родная мова - цудоўная мова" у дзіцячым садку №14, інтэрактыўныя сустрэчы-гульні з удзелам беларускамоўных літаратараў з вучнямі гімназіі, палітэхнічнага каледжа, школ № 1 і 6.

Асабліва ўрадзіла развлякальна-пазнавальная праграмма "Гімн беларускай мове", якая адбылася 17 лютага ў Палацы культуры і прайшла з ўдзелам вучняў старэйшых класаў школ горада. Пачалося ўсё з жывога інтэрв'ю, з дапамогай якога вядучыя ў беларускіх нацыянальных касцюмах высвятлялі, наколькі добра дзеці ведаюць матчыну мову. Ім прапанавалі назваць любімыя беларускія словы і растлумачыць іх сэнс. Папулярызавалася родная мова праз народныя песні, гульні, дэкламаванне паэтычных твораў як знакамітых класікаў беларускай літаратуры, так і мясцовых паэтаў. 

Аб сваіх трапяткіх адносінах да роднай мовы гаварылі паэты "Белага бусла" Людміла Ярмалюк, Наталія Сацута, Валянціна Пігас, Галіца Балахоўская. 

Вялікую цікавасць сярод удзельнікаў выклікалі конкурс перакладчыкаў і гульня "залацінкі мудрасці". Лагічным завяршэннем святочнай імпрэзы сталі "дзесяць запаветаў", прызываючыя любіць і берагчы родную мову.